هذي قصة راعي ديك منسم:

The king الجمعة ديسمبر 05, 2008 4:04 am

[center]هذي قصة راعي ديك منسم:
فيه ولد طفران ماعنده ولا ريال راح لابوه وقاله:اعطيني15ريال ودي اشتري كوره
الاب:أقول إنقلع عني تراها واصله معي
الولد:تكفا يبه بس15ريال والا اقولك خلها عشرة ريال
الاب:ماعندي فلوس إذا تبغي فلوس روح بيع الديك حقك المريض اللي بالحوش
الولد:بس هذا مريض ومحد بيشتريه
الاب:ماعلي منك دبر نفسك
والولد استسلم للأمر الواقع واخذ الديك أول واحد قابله _في وجهه اكيد أبوه
قاله الولد:تشتري الديك؟
الاب:اقول بتنقلع عني ولاأقوم اتوطا في بطنك؟
الولد:خلاص خلاص لاتنفخ طلع الولد من البيت ومعه الديك في محاوله يائسه إن الديك ينباع عرض الديك على أهل الحاره كلهم ولا واحد فيهم قبل إنه يشتري الديك قال الولد:والله مالي إلا فلانه عقلها خفيف وأكيد بقدر ألعب عليها بسهوله هذي كانت وحده متزوجه بس للاسف كانت رايحه فيها وتلعب بذيلها من ورا زوجها
راح لها الولد عشان يبيع عليها الديك
الولد:تشترين الديك تكفين هلا والله بحبيبي تعال قرب مني عشان ابوسك بوسه خفيفه
الولد:اقول ماني فاضي لك خذي مني الديك وخليني اروح
تروح مين ياعمري انا ماصدقت إني شفت رجال عندي في البيت
الولد:ومنهو اللي قالك إني انا رجال؟ خذي مني الديك بس وخليني أنقلع
شوي الا الباب يدق خافت الحرمه وقالت للولد تعال إندس هنا في الدولاب لايطلع زوجي ونروح فيها
حطت الولد في الدولاب وراحت فتحت الباب إلا وطلعلها صديقها اللي تخون زوجها معاه
الحرمه:هلا والله بعمري وحياتي
الرجال: ياهلا فيك عمري ما أمدا الرجال يكمل كلمته إلا والباب يطق
الحرمه: ياويلي ويلاه هذا شكله زوجي تعال وادخل في الدولاب
دخل خوينا في الدولاب وفجاه في عز الظلام سمع صوت يكلمه داخل الدولاب ويقوله: تشتري الديك؟
الرجال:اصصصصصص
رخ صوتك الله يرحم والديك لاتفضحنا
الولد:أقول تشتري الديك؟
الرجال: ياخوي خلاص بشتري الديك بس قصر على حسك تكفا
الولد:طيب
الرجال:بس بكم تبيعه؟
الولد:ب100ريال
الرجال:ايش؟الديك المنتوف المريض ب100ريال
الولد:تبي تشتري ولا ارفع صوتي؟
الرجال:لا لاخلاص ابشتري وأمري لله جلسو5دقايق
الولد:تبيع الديك؟
الرجال:توك بايعه على يابن الحلال
الولد:تبيعه علي ولا ارفع صوتي؟
الرجال: لا لاخلاص ببيعه وأمري لله بكم تشتريه؟
الولد:بريال
الرجال:أيش؟بريال؟انا مشتريه منك ب100وأنت تشتريه مني بريال؟
الولد:تبيعه علي ولا ارفع صوتي؟
الرجال: لا لاخلاص ابيعه وأمري لله جلسو5دقايق
الولد:تشتري الديك؟
الرجال:ياخوي توني مشتريه منك
الولد:تبي تشتري ولا ارفع صوتي؟
الرجال:لا لاخلاص ابشتري وأمري لله بكم تبيعه؟
الولد:ب200 ريال
الرجال:الله يمحط بك الأرض انشالله توني مشتريه منك ب100ريال؟
الولد:تبي تشتري ولا ارفع صوتي؟
الرجال: لا لاخلاص ابشتري وأمري لله جلسو5دقايق
الولد:تبيع الديك؟
الرجال:إنا لله وإنا إليه راجعون بكم تبغى تشتريه؟
الولد:بريال
الرجال:وش تبغاني أقول؟ تبغاني أبكي ولا أشقق ملابسي يالله خذ الديك وببلاش بعد
أخذ الولد الديك شوي إلا الحرمه فاتحه عليهم الدولاب وقالتلهم:يالله بسرعه اشردو دام إن زوجي في الحمام بس واحد ورا الثاني وبشويش عشان لايحس فيكم زوجي..طلع الرجال وشرد ولحقه الولد بعده ب5 دقايق المهم قام الولد يتمشى في الشارع وهو مبسوط إن صار معاه فلوس بعدين راح للبيت يوم دخل البيت شاف ابوه قدامه راح قال لابوه:تشتري الديك؟
الأب:يطالع فيه والشرار طالع من عيونه وقاله:مايكفيك يابن الكلب الــ300 اللي لطشتها مني في الدولاب؟[/center]